Mae dibyniaeth ar ynni brwnt yn bygwth ein ffordd o fyw. Mae cynhesu byd-eang yn arwain at lefelau\u2019r m\u00f4r yn codi, tywydd eithafol a newid mewn cynefinoedd. Nid her i eraill fynd i\u2019r afael \u00e2 hi yn y dyfodol yw hon. Mae\u2019n her i ni, yma, nawr. <\/p>\n\n\n\n
Yng Nghastell-nedd Port Talbot, mae ein hanes o ddibynnu ar ddiwydiannau brwnt wedi effeithio ar ansawdd yr aer yma a glendid ein trefi a\u2019n cymunedau. Ond nid yw sefyll o\u2019r neilltu a gwneud dim yn opsiwn bellach. <\/p>\n\n\n\n
Felly, rydyn ni\u2019n mentro newid. Yn mentro credu mewn dyfodol glanach. Ac yn mentro gwneud beth sy\u2019n angenrheidiol i wneud gwahaniaeth. Rydyn ni\u2019n gweld yr heriau hyn fel cyfle i newid ein ffordd o fyw a gwella pethau ar gyfer ein rhanbarth a\u2019r blaned. <\/p>\n\n\n\n
Yng Nghastell-nedd Port Talbot rydyn ni wedi gwneud datgarboneiddio ac ynni adnewyddadwy yn ganolog i\u2019n strategaeth datblygu economaidd. Yma, rydyn ni\u2019n adeiladu canolfan arbenigedd mewn technoleg werdd ac ynni clyfar. Rydyn ni\u2019n dod ag academia, y sector cyhoeddus, diwydiant preifat ac asiantaethau ariannu at ei gilydd i ddileu risg atebion datgarboneiddio trwy gynnal arddangosiadau agos at raddfa fasnachol. Bydd hyn i gyd yn dod \u00e2 swyddi ac yn gwella bywydau\u2019r bobl sy\u2019n byw ac yn gweithio yma. Ac yn fwy na hynny, bydd yn helpu i lanhau ac oeri\u2019r blaned. <\/p>\n\n\n\n
Cymerwch y prosiect Cartrefi sy\u2019n Bwerdai, er enghraifft. Y nod yma yw cyflwyno cartrefi clyfar, carbon isel, sy\u2019n defnyddio ynni\u2019n effeithlon. Cartrefi sy\u2019n creu ynni yn hytrach na\u2019i ddefnyddio. Mewn partneriaeth \u00e2 Pobl, prosiect Cartrefi Gweithredol Castell-nedd yw\u2019r datblygiad tai mawr cyntaf yn y Deyrnas Unedig i ddefnyddio cysyniad p\u0175er solar \u2018Adeiladau Gweithredol\u2019. Ond cychwyn yn unig yw hyn. Bydd y Ganolfan Adeiladau Gweithredol ar Gampws y Bae Prifysgol Abertawe yn mynd \u00e2 thechnoleg a syniadau newydd i\u2019r farchnad.<\/p>\n\n\n\n
Ein bwriad yw bod DARE yn dod yn ddatblygiad amlwg i fusnesau yn y sectorau ynni, amgylchedd a thechnoleg l\u00e2n, gan eu herio i dyfu gyda ni a\u2019u hannog i brofi eu cysyniadau a gwreiddio\u2019u busnesau yma. Os ydych chi\u2019n awyddus i dyfu eich busnes yn y sectorau hyn, cewch hyd i bartneriaid parod ac arbenigedd yma yng Nghastell-nedd Port Talbot.<\/p>\n\n\n\n
Mentrau eraill DARE:<\/strong><\/p>\n\n\n\n