Mae\u2019r Porthladd Rhydd Celtaidd arfaethedig yn brosiect newydd, cyffrous, sy\u2019n addo adfywiad diwydiannol yn ne-orllewin Cymru sy\u2019n creu 16,000 o swyddi newydd a \u00a35.5 biliwn o fewnfuddsoddiad newydd, bob yn seiliedig ar ynni gwyrdd.<\/p>\n\n
Bydd Llywodraethau Cymru a\u2019r DU yn enwi\u2019r cynigiwr llwyddiannus yn y ras i fod yn gartref i borthladd rhydd cyntaf Cymru yn gynnar yn 2023.<\/p>\n\n
Nod cynnig y Porthladd Rhydd Celtaidd yw creu coridor buddsoddi ac arloesi gwyrdd ym mhorthladdoedd Porth Talbot ac Aberdaugleddau, lle y bydd datblygiadau ynni gl\u00e2n, terfynellau tanwydd, gorsaf b\u0175er ac arloesiadau tanwydd hydrogen yn ffynnu.<\/p>\n\n
Felly, dyma ddeg fantais fawr y Porthladd Rhydd Celtaidd:<\/p>\n\n
\u2022 Creu 16,000 o swyddi gwyrdd newydd, o ansawdd uchel<\/p>\n\n
\u2022 Cyfleoedd sgiliau gwyrdd i genedlaethau\u2019r dyfodol. O weldwyr i wyddonwyr data, bydd y rhain yn swyddi hirdymor \u00e2 chyflog da, gydag arferion gwaith teg a gweithleoedd cynhwysol wrth eu gwraidd.<\/p>\n\n
\u2022 Adeiladu dau borthladd ynni gwyrdd estynedig i ddatgloi\u2019r diwydiant ynni gwynt alltraeth arnofiol (FLOW), o weithgynhyrchu, gosod a chynnal a chadw.<\/p>\n\n
\u2022 Rhoi mantais \u2018cyflwynydd cyntaf byd-eang\u2019 i Gymru o safbwynt y math newydd hwn o ynni dibynadwy, gl\u00e2n, gyda chyfleoedd cadwyn gyflenwi ac allforio cryfach.<\/p>\n\n
\u2022 Helpu i ailosod diwydiant dur Cymru trwy annog datblygiad y cyfle FLOW enfawr a defnyddio dur a wnaed ym Mhort Talbot.<\/p>\n\n
\u2022 Gwella\u2019n sylweddol ddengarwch de-orllewin Cymru a denu \u00a35.5 biliwn o fewnfuddsoddiad mewn technolegau gwyrdd, modern.<\/p>\n\n
\u2022 Datgarboneiddio prif glwstwr diwydiannol Cymru a gwneud cyfraniad mawr tuag at dargedau allyriadau carbon sero net cenedlaethol.<\/p>\n\n
\u2022 Hybu arloesedd mewn technolegau ynni gl\u00e2n eraill fel ynni tonnau a morol, hydrogen a thanwyddau cynaliadwy eraill.<\/p>\n\n
\u2022 Gwella\u2019r cyflenwad ynni domestig a\u2019i sicrwydd.<\/p>\n\n
\u2022 Ac, yn holl bwysig, creu sianel gwaddol lleol i fuddsoddi mewn sgiliau\u2019r dyfodol, arloesedd a phrosiectau lleol trwy gronfa \u00a3500 miliwn pwrpasol.<\/p>\n\n
Cefnogir y Porthladd Rhydd Celtaidd gan gonsortiwm cyhoeddus-breifat, y mae ei bartneriaid yn cynnwys Cymdeithas Porthladdoedd Prydain (ABP), Cyngor Castell-nedd Port Talbot, Cyngor Sir Penfro a Phorthladd Aberdaugleddau, ochr yn ochr \u00e2 llawer o bartneriaid cyhoeddus, preifat, academaidd a chymdeithasol eraill.<\/p>\n\n
Meddai Roger Maggs MBE, Cadeirydd y consortiwm: \u201cGyda\u2019i gilydd, mae\u2019r chwaraewyr allweddol hyn yn cyfuno i greu cynnig cymhellol am borthladd rhydd amlbwrpas, integredig i Gymru.<\/p>\n\n
\u201cMae consortiwm y Porthladd Rhydd Celtaidd yn darparu mynediad at \u00f4l troed datblygu enfawr, gweithlu medrus a rhwydwaith o bartneriaid lleol, rhanbarthol a byd-eang sydd \u00e2\u2019r gallu i alluogi twf cyflym y sector gwynt alltraeth arnofiol ac economi hydrogen sy\u2019n ffynnu yng Nghymru.<\/p>\n\n
\u201cGallai hyn adfywio econom\u00efau de a gorllewin Cymru a thu hwnt yn llwyr a gallai rhagolygon am allforio technolegau gwynt arnofiol a thechnolegau gwyrdd eraill a ddatblygwyd yma ychwanegu at yr effaith weddnewidiol hon.\u201d<\/p>\n\n