Mae gan Gastell-nedd Port Talbot gysylltiadau da ar gyfer busnes ym marchnadoedd allweddol y Deyrnas Unedig ac yn rhyngwladol. Mae ei lleoliad, funudau’n unig o’r M4, yn darparu cysylltiad uniongyrchol â Llundain a De-ddwyrain Lloegr, tra bod yr A465, ffordd Blaenau’r Cymoedd, yn darparu llwybr effeithlon i Ganolbarth Lloegr a’r Gogledd ar hyd yr M50, yr M5 a’r M6.
Gwasanaethir y fwrdeistref gan 2 orsaf reilffordd sydd fel ei gilydd ar y brif lein i Lundain Paddington, ac yn cynnig gwasanaethau cyflym, rheolaidd i brifddinas Lloegr a’r tu hwnt.
Gellir gyrru i Faes Awyr Caerdydd mewn 40 munud, ac mae’n cynnig cyfle i hedfan yn uniongyrchol i fwy na 50 o gyrchfannau, gyda mwy na 900 o gysylltiadau trwy brif ganolbwyntiau Amsterdam Schiphol (via KLM) a Doha (via Qatar Airways). Mae Maes Awyr Bryste yn cynnig gwasanaethau uniongyrchol a amserlennwyd i nifer o gyrchfannau yn y Deyrnas Unedig a thramor, ac mae Llundain Heathrow, prif faes awyr y Deyrnas Unedig, ryw 2½-awr i ffwrdd mewn car.
Ar gyfer symud nwyddau mawr neu drwm, Harbwr Llanw Port Talbot sy’n cynnig y cyfleusterau docio dyfnaf yn Aber Hafren, ac mae’n gallu derbyn llongau maint penrhyn hyd at 170,000 dwt. Mae ardal y doc mewnol yn gallu darparu ar gyfer llongau llai sy’n codi llwythau trymion, llongau prosiect a llongau nwyddau cyffredinol.
| AMSERAU TEITHIO (AR Y FFORDD) | |
| Abertawe | 20 munud |
| Caerdydd | 40 munud |
| Maes Awyr Caerdydd | 45 munud |
| Bryste | 1 awr 15 munud |
| Maes Awyr Bryste | 1 awr 30 munud |
| Birmingham | 2 awr 40 munud |
| Maes Awyr Llundain Heathrow | 2 awr 45 munud |
| Llundain | 3 awr 20 munud |
| Manceinion | 3 awr 55 munud |
| AMSERAU TEITHIO (AR Y FFORDD) | |
| Abertawe | 20 munud |
| Caerdydd Canolog | 35 munud |
| Parcffordd Bryste | 1 awr 10 munud |
| Llundain Paddington | 2 awr 30 munud |
