Mae Hexigone Inhibitors yn rhan o Barc Ynni Baglan ym Mhort Talbot. Mae’r cwmni’n arbenigo mewn atalyddion cyrydu diogel, clyfar ac eithriadol effeithiol. Gan fanteisio ar ddeddfwriaeth ddiweddar yr UE, mae eu cynnyrch yn ddiwenwyn, nid yw’n cynnwys cromad, a phrofwyd yn annibynnol ei fod hyd at 10 gwaith yn fwy effeithiol na phrif ddewisiadau amgen y farchnad.
Mae gwreiddiau’r cwmni yn y rhanbarth, gan fod y dechnoleg yn wreiddiol wedi’i datblygu gan Brif Swyddog Gweithredol y cwmni, Dr Patrick Dodds mewn cydweithrediad â TATA Steel a Phrifysgol Abertawe. Fodd bynnag, mae potensial byd-eang i’w gynnyrch, ac o ganlyniad mae’r rhwydwaith cefnogi yng Nghymru – ac yn arbennig yng Nghastell-nedd Port Talbot – yn hanfodol i sicrhau bod y cwmni’n aros yno.
Mae Giorgia Cacace, Prif Swyddog Gweithrediadau Hexigone, yn gwerthfawrogi’r help, y cymorth a’r anogaeth mae’r cwmni wedi’u derbyn gan Gyngor Castell-nedd Port Talbot a rhwydwaith cefnogi ehangach Cymru.
