Roeddem yn falch o gael cynnal digwyddiad rhwydweithio’r Rhaglen Cymorth Arbenigol Hydrogen fis diwethaf mewn cydweithrediad ag Opergy Energy yng Ngwesty a Sba’r Towers.
Roedd y digwyddiad hwn, a gynhaliwyd gan Opergy Energy yng Ngwesty a Sba’r Towers, yn foment allweddol i fwy nag 20 o fusnesau lleol a chenedlaethol. Cafodd pawb a oedd yn bresennol wybodaeth amhrisiadwy am brosiectau a chyfleoedd sydd i ddod yn ardal Bae Abertawe, gan gynnwys manylion am y Fenter Cymorth Hydrogen.
Rhoddodd Andy Holyland, Rheolwr-gyfarwyddwr Opergy Net Zero, gyflwyniad cyfareddol ar y cymorth wedi’i deilwra sydd ar gael er mwyn ysgogi busnesau i drawsnewid, arallgyfeirio a thyfu yn y sector hydrogen a thanwyddau’r genhedlaeth nesaf sy’n datblygu.
P’un a ydych chi’n gwmni sydd wedi ennill ei blwyf neu’n awyddus i archwilio posibiliadau newydd, mae ein cymorth wedi’i ddylunio i’ch helpu i ganfod eich ffordd a ffynnu yn y farchnad hydrogen sy’n datblygu.
Gwnaeth y rhai a oedd yn bresennol achub ar y cyfle i rwydweithio â busnesau lleol ac amlwladol dylanwadol eraill.
Isod mae rhai fideos byr o’r hyn oedd gan gwmnïau lleol i’w ddweud am y digwyddiad.
Roedd digwyddiad y Garfan Cymorth Arbenigol Hydrogen yn fforwm eithriadol ar gyfer rhannu gwybodaeth a chydweithio, gan atgyfnerthu'r ffaith bod De Cymru ar flaen y gad yn economi hydrogen y DU. Mae gweld cysondeb mor gadarn rhwng y sector cyhoeddus a'r sector preifat yn rhoi hyder gwirioneddol i fusnesau sy'n ystyried buddsoddi yn y rhanbarth.
Roedd y digwyddiad hwn yn un gwirioneddol unigryw lle y caiff cadwyn gyflenwi a chadwyn gwerth eu cysoni o amgylch lleoliad—ar hyn o bryd nid oes dim byd tebyg yn digwydd yn unman arall yng Nghymru, na'r DU hyd yn oed o bosibl. Cynigiodd y digwyddiad werth aruthrol drwy arddangos y cyfleoedd diweddaraf ym maes hydrogen yn uniongyrchol gan ddatblygwyr prosiectau lleol, meithrin cyfleoedd hollbwysig i rwydweithio ac, yn bwysicaf oll, ennyn hyder ymhlith rhanddeiliaid yn y sector cyhoeddus. Mae'n amlwg bod Cyngor CNPT yn chwarae rhan flaenllaw yn y broses o alluogi'r economi hydrogen, sef sector sy'n cynnig llawer o addewid o ran buddsoddi a chreu swyddi yn y rhanbarth.
"Digwyddiad ardderchog; fformat a strwythur cwbl briodol; dull syml a rhwydd; wedi'i gyflwyno yn y ffordd gywir. Roedd cyfuniad da o bobl yn y digwyddiad, ac fe ges i gyfleoedd da i rwydweithio. Mae hwn wedi bod yn gyflwyniad da gyda gwybodaeth am brosiectau a'r sector hydrogen; llwyfan da i adeiladu arno, y byddaf nawr yn gallu ymchwilio ymhellach iddo. Fe allwn weld cyfle ac anelu amdano."
"Diolch yn fawr i Adil ac Andy am drefnu digwyddiad hydrogen mor fendigedig! Gyda chydbwysedd perffaith o ran cyflwyniadau craff, siaradwyr gwych, a dim gormod na rhy ychydig o rwydweithio, roedd yn ddigwyddiad diddorol a llawn gwybodaeth. Gwnaeth y sylw i fanylder a'r trefniadau di-dor greu amgylchedd gwych ar gyfer dysgu a thrafodaethau ystyrlon. Da iawn wir!"
"Roedd y digwyddiad yn ddefnyddiol iawn i mi er mwyn deall y dirwedd hydrogen leol yn well. Fe wnes i fwynhau'r cyflwyniadau a helpodd fi i ddysgu mwy am ddatblygiadau hydrogen arfaethedig, gwaith ymchwil sy'n mynd rhagddo, a chyfleoedd hyfforddiant. Hefyd, roedd cyfle gwych i rwydweithio ag eraill a oedd yn y digwyddiad o amrywiaeth o fusnesau a sefydliadau yn y sector cyhoeddus."
“Roedd digwyddiad rhwydweithio'r Garfan Hydrogen yn ardderchog ac yn ddefnyddiol iawn. Roedd y ffocws ar ddod â chwmnïau'r Garfan Hydrogen a sefydliadau hydrogen ynghyd yn gymysgedd a chyfuniad perffaith. Gweithiodd fformat y diwrnod yn hynod o dda gan roi cyfle da i rwydweithio, ac roedd y cyflwyniadau'n graff ac yn ddefnyddiol, yn enwedig y rhai ar y prosiectau hydrogen. Roedd y digwyddiad cyfan yn ddiddorol ac yn effeithiol i ni fel busnes. Lleoliad gwych, fformat da ar gyfer y diwrnod, cyflwyniadau ardderchog a chyfleoedd gwerthfawr iawn i rwydweithio. Diolch am drefnu hyn ar ein cyfer.”
"Roedd y digwyddiad Hydrogen a gynhaliwyd yng Ngwesty'r Towers yn un o'r digwyddiadau gorau rwyf wedi bod iddynt ers cryn amser. Roedd hi'n fendigedig gweld y darpar ddatblygwyr yn manylu ar eu gofynion ac yn siarad yn agored am y cyfleoedd. Fe wnaeth argraff fawr ar bawb rwyf wedi siarad â nhw."
